Беларускія казкі. Кот-прывід

Пра кнігу: "Чарадзейныя казкі" - правераны часам сродак нязмушанага, прыемнага і для дзяцей, і для дарослых выхавання. Што можа быць цікавей, чым разам пачытаць новую гісторыю пра моцных. вясёлых, дасціпных герояў, якія здольныя тварыць цуды? Хочаце, каб вашыя дзеці раслі моцнымі і разумнымі, чытайце казкі з раздзела "Асілкі ды волаты". Дарэчы, асілкі не толькі хутка раслі, але і гэтаксама хутка вучыліся. Перажываеце, што дзеці не заўсёды паважліва ставяцца да бацькоў, звярніцеся да казак з раздзела "Сірацінкі - Божыя слязінкі". Цяжка жыць на свеце без родных, а бацькі, якія б яны не былі, і з таго свету сваім дзецям здольныя дапамагчы. Упершыню ў адным раздзеле "Каток - залаты лабок" сабраныя казкі пра катоў, якія лічацца самымі таямнічымі істотамі з усіх хатніх жывёл. А самы займальны раздзел - "Цуды вакол нас", дзе можна пераканацца, што, каб дапамагчы добраму чалавеку, чарадзейную сілу можа набыць любая рэч. Чым больш праходзіць часу, тым больш сучасна ўспрымаюцца добрыя старыя казкі.