Век песень
Пра кнігу: Век песень быў да Веку людзей. Залаты час народу Курганоў, для якіх песня - гэта і інструмент, і зброя, і нават жыццёвая неабходнасць, як паветра.
Век песень - гэта час казак, і ў кожнай з аповесцяў казкі ажываюць: забаўныя і тужлівыя, радасныя і вусцішныя. Тут можна сустрэць і Алельку Заснавальніка, і Галляша Залатавуста, і Дзеву-Воя, і Косткасея. Скажыце, казкі часта хаваюць праўду? А можа, яны проста пераствараюць яе на свой лад, асабліва калі за справу бяруцца сапраўдныя паэты? Бо казкі заўжды праўдзівыя, пакуль у іх вераць.
Час зазірнуць у Век песень, каб дазнацца пра перадгісторыю "Веку людзей" - і пра тое, што было пасля фіналу рамана.
16+
Змест:
Першая песня
Лісіны пярсцёнак
Вершнікі на дарозе
Над Вугерай - дождж
Вараціш - гара
Трыснёг пад ветрам
Сярэдзіна зімы
Ад аўтара
"Гукі і словы танчылі, змешваліся і перапляталіся цясней, і з бязладдзя вырастаў новы парадак, адмысловы строй вобразаў, скіраваных умелаю рукой. І цяжкія калоны, спавітыя чарамі, пускалі карані, абрасталі жывою цёплаю карой, а між паліраванага мёртвага каменю прабіваліся, ломячы пліты, парасткі травы, і кустоўе бэзу, і ўпарты альхоўнік. І гучалі стракозы, каляровыя, як вітражнае шкло ў старой вежы, што глядзела на верасовыя пусткі. І басілі ноткі цяжкіх хрушчоў, і цягнуўся напоены густым сонцам ранак, доўга-доўга - як залацістая смала. А над возерам саткаўся з суладдзя гукаў дрогкі карункавы цень старога дуба, хаваючы музыку пад сабою надзейна, як пад плашчом - няўгледкай, і музыка, сапраўдная, чароўная, дзівосная, плыла над возерам, над пеннымі грабеньчыкамі хваляў, над слюдзянымі крыльцамі імклівых стракозаў. Над усім, што было і будзе, па-над часам, па-над воляю ўладароў, нікому не падуладная, не звязаная нічым, свабодная, вечная музыка".
-
Аўтар
Маргарыта Латышкевіч -
Фармат выдання
100x100 -
Колькасць старонак
532 -
Год выдання
2026 -
Пераплёт
Цвёрды пераплёт -
Выдавецтва
Папуры -
Мова выдання
Беларуская
