Разгаданыя сны
Пра кнігу: Траціну жыцця чалавек пражывае ў восні. Большасць з нас бачыць дзіўныя сны. Згубна ігнараваць прастору сімвалаў, вобразаў, знакаў, якія настойліва пасылае падсвядомасць. Аднак новая кніга аўтаркі не абмяжоўваецца мастацкай трактоўкай відзежаў з падсвядомасці, чытач сустрэне цалкам рэалістычныя, non-fiction, апавяданні, псіхалагічныя
развязкі жыццёвых крыжаванак лірычных герояў, замалёўкі правінцыі, дзіцячыя ўражанні далёкага маленства. Асобнае месца ў кнізе займае апавяданне, прысвечанае драматычным пачуццям глыбока немаладых
герояў, у стасункі якіх закрадаюцца немінучыя наступствы старасці: адчай, бяссілле, хваробы, нечаканае неразуменне сваіх учынкаў і сыход...
Апавяданне вядзецца напачатку ў жартоўна-іранічным ключы, паступова пераходзячы ў драму. Героі сустрэліся з інтэлектуальнай зацікаўленасці адно адным, але высветлілася - іх яднае лінгвістычная прастора мовы дзяцінства. Родныя словы, знаёмыя песні, прымаўкі, прыпеўкі і показкі стварылі ілюзію вяртання ў юнацтва. Асаблівую каштоўнасць займеў гэты моўны атракцыён з прычыны страчанай (скрадзенай) у маладосці магчымасці спазнаваць пачуцці на роднай мове.
Дадатак да аўтарскай прозы — пераклад мініяцюр Франца Кафкі, які свае творы выбудоўваў па законах снапрывідаў - улюбёны прыём аўтаркі.
-
Аўтар
Людміла Андзілеўка -
Фармат выдання
130х200 -
Колькасць старонак
180 -
Год выдання
2026 -
Пераплёт
Мяккі пераплёт -
Выдавецтва
Сувиг -
Мова выдання
Беларуская -
Вага г.
230
