Гербоўнік беларускай шляхты. Т. 8, ч. 1. "К"
Пра кнігу: Нацыянальны гістарычны архіў Беларусі працягвае публікацыю шматтомнага выдання, распачатую яшчэ ў 2002 г. У першую частку восьмага тома ўключана 224 артыкулы пра шляхецкія роды пераважна Мінскай губерні, чые прозвішчы пачыналіся на літару К (Каборды – Карэцкія). Як і ў папярэдніх тамах, асновай для яго напісання з’яўляюцца матэрыялы ўнікальнага фонду «Мінскі дваранскі дэпутацкі сход», які знаходзіцца на захаванні ў НГА Беларусі і актыўна выкарыстоўваецца даследчыкамі для правядзення распрацовак самых розных навуковых праблем. Складанне «Гербоўніка беларускай шляхты» адбываецца ў межах планавай навуковай тэмы НГА Беларусі «Генеалогія і геральдыка шляхецкіх родаў Беларусі», распрацоўка якой вядецца ў архіве з пачатку 1996 г. Першая частка восьмага тома стала вынікам працы супрацоўнікаў архіва Яўгена Глінскага, які выступіў кіраўніком аўтарскага калектыву і напісаў большую частку артыкулаў, Дзмітрыя Матвейчыка і Юрыя Снапкоўскага.
-
Аўтар
Глінскі Я. С. і інш. -
Фармат выдання
145Х215 -
Колькасць старонак
927 -
Год выдання
2022 -
Пераплёт
Цвёрды пераплёт -
Выдавецтва
Беларусь -
Мова выдання
Беларуская -
Вага г.
1040
