І першым паказаўся Каліноўскі

Пра кнігу: Кніга выходзіць да 22.11.2019 - дня перапаховін парэшткаў 20 ўдзельнікаў нацыянальна-вызвольнага Паўстання, адшуканых у 2017-2018 гг. на гары Гедзіміна ў Вільні. Захоўваючы аўтарскае права летувіскіх калег да першадруку невядомых археалагічных матэрыялаў, абліччаў інсургентаў, адкапаных на гары Гедзіміна, публікацыя іх у беларускіх і іншых выданнях - справа бліжэйшай будучыні.
Выданьне знаёміць з публіцыстычнай спадчынай Кастуся Каліноўскага, якая засталася пасьля ахвярнай сьмерці 10/22 Сакавіка 1864 года праз павешаньне расейскімі карнікамі легендарнага кіраўніка антыкаланіяльнага Паўстання. Нагадаем, што ў наступным, ХХ стагодзьдзі ў той самы дзень, 22 сакавіка 1943 года (праўда, ужо іншымі карнікамі) будзе вымардаваная нашая Хатынь. Узіраючыся ў гэтыя (толькі дзьве!) астральныя зоркі над сьмяротным небасхілам Беларусі-Літвы, кожны з тых далёкіх сучасьнікаў, нашых змагарных продкаў, на момант адчуваў немінучую смерць уласнай нацыі.
Спадчына К. Каліноўскага традыцыйна складаецца з "лісткоў" "Мужыцкай праўды" (N 1-7; таксама друкуецца новы варыянт N 6, адрозны ад хрэстаматыйна вядомага) і трох "Лістоў з-пад шыбеніцы". Апошнія падаюцца ў даўнім перакладзе (1980 г.) на ангельскую мову (Янкі Запрудніка, Томаса Бэрда), а таксама на летувіскай (Яніны Мажэйкайтэ-Кісялёвай), нямецкай (Монікі Банькоўскай-Цуліг), польскай (Чэслава Сэнюха, Яна Гушчы), украінскай (Ігара Біліньскага, Олександра Ірваньця, Наталкі Пазняк) і ўпершыню на гішпанскай (пераклад Анхелы Эспінозы Руіс) мовах.
Асобна друкуецца і нядаўна выяўлены аўтограф "Мужыцкай праўды" (падрыхтаваны мовазнаўцам В. Вячоркам).

Выданне прысьвечана "Памяці доктара філалогіі Генадзя Кісялёва".

  • Аўтар
    Язэп Янушкевіч
  • Фармат выдання
    170Х240
  • Колькасць старонак
    108
  • Год выдання
    2019
  • Пераплёт
    Мяккі пераплёт
  • Вага г.
    200
14.30 Руб15.00 Руб
Зніжка!

Іншыя кнігі аўтара

Партрэты паўстання
Зніжка!
14.30 Руб 15.00 Руб
Каміла Янушкевіч, Язэп Янушкевіч 2019
Літоўскі пеўнік
15.00 Руб
Язэп Янушкевіч 2019
Ацаніце сайт, калі ласка!